صينية باستا الدجاج بالكريمه لذيذة

نجي للمقادير .. طبعا هالمقادير لعائله ابو 10 انفار اذا انتو اقل قللو المقدار ولو تبون نصيحتي لاحد يقلل شي لاني واثقه بتصير غدا وعشاا واذا ما سويتوها بيوم ثاني < واثقه الاخت ههههههه المقادير : جبن بوك سايل مايونيز < لايت لزوم الرجيم هههههه مكرونه اصداف قشطة قيمر دجاج صدور مقطع هذي علبه بهارات ايطاليه اذا مو موجوده ماهي مشكله فطر جبنه موزريلا ( بصل - ثوم - كزبره - فلفل اخضر ) كلها مقطعه وتشوفون كريمة خفق هنا هذي الشغااله الله يسامحها الا تتدخل بكل شي وحطتها مادري ايش الهدف يعني بس ماحبيت احرجها وارجعه فخليته لكني ما استخدمته < ياحنينه يا ايمي _______ نجي للطريقه : اول شي بعطيكم السوس السحري .. لاتخافون وتقرون المعوذات يعني ما بيطلع الوان وام بي سي ثري وكذا بس عشانه خطير ولذيذ هذا السوس اسويه واحطه بالثلاجه اذا زاد واسوي منه باستا بالتونه وشي باللحم او الدجاج رررررررررهيب والصراحه عندي احلى من كريمة الخفق بحد زاتها 4 ملاعق جبن وانا افضل بوك اعشق هالجبنه 4 ملاعق مايونيز لايت < احس اللايت ما يحسسني بالذنب هههههههههه وعلبة قشطه فلفل اسود وملح رشه جبنة بارميزون اذا متوفره ملاحظه : بي جنيرس عند اضافة الجبنه السايله ( بوك ) وبهارات ايطاليه اذا توفرت نخلطهم لين يتكون هاللون الجميل ونجي لاهمممممممم خطوه وهي الخطوه السحريه بالنسبه لي < ياكثر ماقلت سحر اخاف تحسبوني راعية طبوب ههههههههههههههه دعابه لاحد يصدق نجيب كوب ماي حار + حبة ماجي نذوبها فيه تالي نضيفه لهالخليط لين تتكون كريمه تشبه كريمة الخفق وزي ماذكرت بالاعلى افضل بكثير منها نبدأ بالشغل الجد الحين .. طبعا المكرونه حطيتها بماي وملح على النار لين تستوي بهالاثناء احط شوية زيت زيتون مع الثوم والبصل لين يتحمر اضيف له الدجاج .. وبعدين ماجي + فلفل اسود + ملح .. لمن يستوي الدجاج اخر شي اضيف الفلفل الاخضر + الفطر .. عشان مش حابتهم يذبلون .. اخليهم شوي واشيلهم من على النار وهنا ننتقل للخطوه الي بعدها نجيب بايركس ولا اي صينيه للفرن .. نحط فيها المكرونه مع شوية من السوس الابيض الي سوينياه ونخلطهم .. وبعدها نضيف الدجاج وباقي السوس الابيض واحاول اغرقها من السوس .. واخر شي احط فوقها الجبن مازوريلا .. مع البقدونس .. وادخلها بفرن على درجة حراره عاليه .. والغرض بس انه يتجانس هو اول ردي مستوي .. واذا شفنا السوس يغلي هنا نعرف انه بدا يتجانس < كيف الدقه بس !! اهم شي تحركينها بملعقه <<< ملحووظه مهمه : لو حابه تكون ناشفه المكرونه خليها تغلي اكثر لو حابتها سايله .. ضيفي لها حليب سايل وطفي عليها بسرعه .. وهذا شكلها بعد ماطلعتها من الفرن وقدمتها لنفسي اولا وثانيا لان صحن ما يكفيني هههههههههه هاه كيف اللقطه الاحترافيه ؟!!! ماحد بدأ يسعبل يعني ظلام على جنب وحركات لو لاحظتو يعنني هنا مع كاتشب لاني استحاله اكل مكرونه او بيض او اي شي بالحياه بدون كاتشب وتجيني هجمات قويه لهالسبب وانتقادات لاذعه أن شاء الله عجبتكم الوصفه يالله عوافي مقدما تحيااااااتي

طرح جميــــــــــــل.. ومجهود رآئع ومفعم بآلجمال وآلرقي.. يعطيك آلعافيه على هذآ آلتميز .. وسلمت آناملك آلمتألقه لروعة طرحهآ.. ودي لك ولروحك ,,~ كنت هنا خواطر عاشق

خواطر عاشق
أشكركـ ياالغلا لتواجدكـ واطلالتكـ
لاخلاولآعدم وشرف لي وضع بصمتكـ هنأ
كون بالقرب دوما
ودي واحترامي لروحكـ