. اهوجس
إي والله أهــوجس ولاني بمرتــاح
والحــــزن فى حــوش الحنــايا بفاروع
أمسيــت من وصل المواليف مــزّاح
وأصبحت من فرقى المواليف مفجوع
البارحــه في غبّـة الوصل سبّــاح
واليــوم من عرش المواصــيل مخلوع
ياصاحبي..صرح الهوى والوفاء طاح
والقلــب كنّه من عـراويه مقشـوع
كــان أحسب إن لحبّــنا عشــرة أرواح
إلين شفت الحبل بيديه مقطـوع
يوم العهــد به حده إسبـوع لى راح
إسبــوع ويعــوّد علي شــوق و دمــوع
واليوم.. خمس سنيــن والهم مازاح
همّ الفــراق اللي بـ لا عـذر مشـروع
أستغفــرالله.. تسعــة شهـور ياصاح
فى غيبته قمت احسب اليوم بإسبوع
العــام.. خِلّي يسمــع القلب لا صاح
واليــوم.. مهما صـاح ماهو بمسموع
ضاع الحساب وشفت برق الجفا لاح
وأيّـست لولا إن الرجــا فيّ مزروع
وحالي نحل .. والحال مهوب منساح
من كثــر ماأظمأ للمواصيل وأجـوع
بليــت في من دونه سيــوف ورمــاح
وغدا علي وصله مثل حبـّـة الكوع
له منّي إن ســرّه على النّاس ما باح
ولي منه إنّ الصــد غصب بلا طوع
وسلامتكم