روحي تحبك واحسك نبض هالروح

روحي تحبك وأحسّك نبض هالروح
و توحشني بدون أسباب مدري ليه

يا كيف أشرح لك احساس أكبر من البوح
في قلب يحبك أكثر ما يحب راعيه*
أحب صوتك هذاك اللي دوا الجروح
أحب اسمك و اضيع ان مرني طاريه
أنا ما قول في بالي تجي و تروح
أقول لك انت بالي و انا اطري فيه*
أنا في عيونك القاني سما و طموح
يالبى الناعسه وراعيها يا لبيه
وغلاك بمهجتي كثر الفضا مفتوح
وفي ضلوعك أنا لي قلبٍ مخبيه*
رضاك بدنيتي هو سعدي و المربوح
رضاك ازعل الدنيا عشان أشريه
و على جمر الحسد دام الدلال اتفوح
بنتقهوى المحبه و جمرها نطفيه*
خذ عيوني و اقرا ما خفاه البوح
و خذ عمري بلاك العمر أنا مابيه
أنا من حبي لك تسألني حتى الروح
أهو قلبي أنا أو حضرتك راعيه