عشق بدوي لا حب ما هو بكذاب

نويت مرباع الغضي سيد الاحباب قصدي يزول الجرح زاد التهابه جيت وبقايا نارهم حول الاطناب بيت الشعر مطوي وباقي زهابه اقفت ركايبهم ومني الهدب ذاب والدمع يسأل والذهل بالاجابه على غزير الدمع ضميت الاهداب صديت لين الدمع يقفي سحابه بعض الوجع يمكن تداويه الاعشاب وبعض الوجع يا ويل من هو سطا به عشق بدوي لا حب ما هو بكذاب يوفي ولو جرحه تجدد صوابه واليوم وصلت بيننا مثل الاجناب ذاك الغلا يا ضيعته يا سفابه باكر اذا جينا لهم مثل الاغراب من عقب ما كنا الاهل والقرابه الامر لله كل شي له اسباب والا الهوى وش لي على هج بابه وشلون قلبي ما يجي اليوم منصاب على الرجم منقوش بعض الكتابه حتى اثر مشيه مع سهول وهضاب مر يبين ومر ما يندرى به قلبي من الفرقا صويب ومرتاب كنه غدى نصفين من هول ما به حزني عليه انه تسبب ولا طاب نظرة طبيبه عجلت في ذهابه ريح الخزامى والنفل زين الاطياب يشدني ريح السمر في ثيابه لا اقبل نسيم له خيل وركاب وله في طلوع الشمس عز ومهابه

أميره بذوقي ,ريآن معجبون بهذا