منتديات اميرة خواطر - عرض مشاركة واحدة - آطوي همومي وسط قلبي وآستعين . . آلطيب آداريه والآش آحقره

05-03-2018, 08:01 PM

قسيت على نفسي فـ الخاطره هذي بشكل غريب
لأني كـ العاده عصبت وقسيت على إنسانه علاقتي معاها اقرب للحب برغم عندها حبيب
لاتسألوني كيف
لأني انا إلى الان ماني عارف وش صار ؟ وليه صار ؟
لكن فـ الاخير باعتني

عنوان الخاطره / البارحه

البارحه

كانت ليله غريبه

كنت كـ العاده

امارس هوايتي المعتاده

كنت اتفنن في جروحي واقدمها هديه

لأنسانه عزيزه وغاليه عليه

كنت ضايج وكلي عصبيه

وكانت هي في قمة الرومنسيه

كنت اسمعها اسواء مفرداتي

وهي كـ عادتها تسمعني العذوبه

كنت اهددها

والشر في عيوني منتويها

كنت اقول كلام استحي اعيده

وكان ردهاا عليه

كله ضعف واسيه

ما كانت تتوقع ها الادميه

طراد منه تصدر ها القسيه

كانت تشوف روعتي غير منتهيه

ماتدري إن الروعه ماهي بليه

الروعه فـ عيونها وهي البنت النقيه

كانت تتأمل فيني الكثير

كانت تردد دايم علي وتقول :

تكفاا انا لك وإلا للذياب العويه

وانا بكل شجاعه اردد

يخسي الذيب ولد العويه

ماكنت ادري انا الخاسي

وانا راعي العلوم الدنيه

وانا مضرب مثل فـ اللئامه

ومني القسوه هي المنبع وهي شر البليه

من خاطري المكسور

كسرت قلوب نقيه

معقوله اكون

خسرتها خساره ابديه

ومن مبدأ الخوف عليه

ولأني اهواها ها المودمانيه

مني لها رساله للاهميه

يقولها حمد إبن البريدي :

لا اخطيت ثم جيت اعتذر قول مسموح
حنا بشر لولا العذر .. ما خطينا

مهوب تزعل كل ما ضقت وتروح
وتهدم بلحظات الغضب ما بنينا

كانه دلع .. يا عزتي لي من الصوح
وكانه غلا .. فديتنا كل ابينا

نذر علي ما عاد في خاطري بوح
الا عسى ربي عليك .. يهدينآ

باب العواذل لا تخليه مفتوح
ودرب المفارق لا تحده علينآآ

اجرح خفوقي لين ما تشبع جروح
انا وقلبي في عذابك .. رضينا