لديك رساله شعريه اضغط هنا ...لقراءتها

كم رسالة مرسلة في عجالة
ما تحتمل صبرك ويكفيك تأخير
شخص ن يحبك وانت قاطع وصاله
بعد السلام يقول طمني أبخير؟
اتروح وطمن قلبه وباله
ماعاد يتعبكم سوال اومشاوير
ان كنت راضي عنه يرتاح باله
اكيد هو راضي بحكم المقادير
وشلون اعرف انك قريت الرساله
ابيك تشرح في غيابي وش يصير

في هذه الصفحات سوف ننقش جميعنا


رسائل شعرية جميلة
لكل قلب / حزين- شاعري
يعشق الشعر والقصيد

فهذه الصفحه سوف تحمل لنا اجمل قصائد قد قرأناها او نسجتها أقلامنا
ونريد ان يشاركنا الجميع في قراءتها

فمثلا /

نكتب لكل قلب حزين

يا ضايق الصدر بالله وسع الخاطر
دنياك يازين ما تستاهل الضيقه
الله على ما يفرج كربتك قادر
والله له الحكم في دبرة مخاليقه
حلو العيون استهانت دمعها الحادر

وإلى كل قلب راحل

فمان الله يا راحل وتاركنا بدون أسباب
سمعت الشورمن حاسد ولا قدرت تاليها

نقول إرحل ترى ما عاد تفتح لرجوع أبواب
محبتنا الأصيله باقيه باسمي مباديها

يا راحل لو يطول البعد منا ما سمعت عتاب
نقدر عشرت الغالين والزلات نمحيها

وعن قلباً يحب

احبك يالغلا حبن تعدى عالم المعقول
ومن زود الموده صرت اشك بحبي لذاتي

احبك حب فوق الحب وحتى الشرح معه ايطول
ومن زود الغلا الفت بك اجمل رواياتي

وعن العذاب

يالتني في دنيتى ما تعذبت
والاعرفتك يا بعد كل غالى

صوتك يعذبنى وأنا آقول الاهنت
يامنيتى حبك يعيش بخيالى

الاتعذب المشتاق في حكمك امنت
راضي بحكم أيامنا والليالى

خذنى معك اللى تبى وين ماكنت
ماشى بدربك وانت عطنى مجالى

وعن الهموم

اون ورياح الليالي توني"
والبرد في جوفي كما الغار خاوي

ماكن لي عقل ولا قلب كني
جذع وقف في وجه الأيام ذاوي

وبي عبرة محبوسة تمتحني
وفي عيني وحلقي وصدري شكاوي

إن قلت زانت خالف الوقت ظني
وإن قلت هانت عاجلتني بلاوي

أجامل ايامي ولا جاملني
هامت بي الدنيا هيام الخلاوي

الوقت جاير والليال اسهرني
والحزن ما بين الضلوع متلاوي

أون وكل يحسب اني اغني
عليل وكل يحسب اني مداوي

ويبقى الأمـل في تفاعلكم ومشاركاتكم

درست فـ الدنياعلى يدّ الظروف اربع مـواد,,

الحب. والاصحاب. والاقراب. والوقت الـردي..

الحب يعطي للغريب بلاد لـو ماهـي بـلاد,,
والعاشق اللي ماطغى عقله على القلب يغدي..

والصاحب اللي بينك وبينه حصل ملحٍ وزاد,,
أوفي معه..! لكـنّ لاتضمنـه وتـروّح فـدي..

امّا القريب اعطه حقوقه واخذ خط الابتعاد,,
خلك بعيد تصير في عينه مثل نجم الجـدي..

والوقت لاتعطيه وقت يلبّس ايامـك سـواد,,
عش يومك وخل امس مات وخل بكره يبتدي..