انت الوحيد اللي بقلبه صفالي

[ضامية الشوق]

http://scontent.cdninstagram.com/t51.2885-15/e35/1168433_633931746745331_2026038536_n.jpg?ig_cache_ key=MTE5MTgwNjExNDkzMjExNDk5NA%3D%3D.2 (http://www.dll33.com)


لــك وحشة : ماهـــي لغيــــرك مـــن الناس
أنت : اللي بس أقدر أسميك غالي

انت الغلا وشوق كله والاحساس
وانت الجواب لغايتي ياســــــؤالي

انت الذهب وانت الفرح وانت الالماس
وانت الوحيد اللي بقلبه صفالي

اشتاق لك مع كل نسمه ونسناس
وأتوق لك لاحن غصن ومـــالي

وأتلهفك لاجيت بالقلب عساس
وأزدان عشبك بالضلوع الخوالي

من قبل احبك وانت طيب ونوماس
واليوم كلك : صرت لي راس مالي

حبي لك ماله معايير وقيــــــاس
وغديرك عندي : قـــــراح زلالي

ماهو بحب أقلام تكتب بقرطاس
ولا حب قدره مرتبط بالريالي

حبً : بنيته ياحبيبي على ساس
يحيط بك : لاهب برد الشمالي

مالك بهالدنيا مماثيل واجناس
ولا لك على قلبي شريك بحلالي

ياغايتي : والشوق بي مثل الامواس
يقدبي بين الرجاء والوصــــــالي

إما تجيني : وانت قدرك على الراس
والا اجيك بلهفتي واشتعـــــــــالي

[أمير المحبه]

سطور نالت الإعجاب برقي هذا الطرح
وهذا سَّــر إبداعك وذائقتك المُتميزه
سوف آظل أترقب الجديد بكل شوق
لك كل الود والاحترام

[ضامية الشوق]

حضوركم شرف لي
نورتم جميعا

[المنال]

يقف قلمي عاجز عن وصف ابداعك
فانت دائما تبهرنا بتميزك وكلمات الراقية
يدوم الابداع
أحرفٍ موشحة ب الجمال
و مدى عفوية الإحسَاسْ
أبيض حرفك كتب بَ مداد من النور
توج برداء العفوية والسلاسة
سلم لنا فكرك وابداعك
تحياتي لسموك لا خلا ولا عدم

[ضامية الشوق]

حضوركم شرف لي
نورتم جميعا